Bloomestate Swellendam

Gastehuis

Soos Gesien op Facebook
Kapasiteit: 14 persone
Alle ouderdomme is welkom
Inkloktyd: 14:00 tot 19:00
Uitkloktyd: 11:00
Adres: Voortrekstraat 276, Swellendam, 6740, Wes-Kaap
Vanaf R2 255 per nag, vir 2 mense
TGCSA-gradering:

Beskrywing

Bloomestate Swellendam is 'n ideale wegbreekplek vir gaste wat 'n liefde het vir styl, moderne ontwerp, 'n pragtige omgewing en die fynere dinge in die lewe. Dit het 'n ideale ligging in die middel van die Tuinroete in die Wes-Kaap, net 2 ure se ry van Kaapstad af. 'n Hoë vlak van individuele diens en privaatheid word hier gehandhaaf.

Die 7 helder gastekamers is versier in temas en kleure wat met die seisoene en elemente ooreenstem en word gekomplimenteer met elegante meubels, geriewe soos DVD-spelers, iPod-musiekstasies en WiFi, asook gerieflike en suite-badkamers wat aparte baddens en instapstorte het. Al die kamers is ruim en met al die luukse fasiliteite wat reisigers deesdae vereis toegerus.

Franse deure lei na privaatstoepe met puik uitsigte oor die pragtige tuine, rustige dam, verhitte soutwaterswembad en Langeberge.

Daar is ook 'n aparte sitkamer in 'n toegeboude terras waar gaste lekker kan ontspan. Geniet die biblioteek met boeke en musiek en of 'n nagsopie in die byderwetse kroeg. Bederf jouself met gesondheids- of skoonheidsterapie. 'n Heerlike ontbyt word in die hoofgebou bedien. Aandete kan genuttig word in een van die nabygeleë restaurante en borde met peuselhappies is ook beskikbaar op versoek.

Verken Robertson se wynplase, gaan walviskyk en besoek Kaap Agulhas-, De Hoop- en Marloth Natuurreservaat. Doendinge vir buitelugliefhebbers sluit staproetes, gholf, bergfietsritte, perdry, vlotvaarte op die Breederivier, en vlugte met 'n privaat- of mikrovliegtuig in.

Kom ontspan in hierdie sjiek, kleurvolle toevlugsoord.

Kry ’n Kwotasie