Beskrywing

Blouberg Heights 1202 bied gerieflike selfsorgverblyf in 'n knus oopplan-woonstel op die 12de verdieping van Blouberg Heights-woonstelblok in Blouberstrand. Die woonstelblok is ideaal oorkant die strand geleë en bied pragtige uitsigte oor die Atlantiese Oseaan, Tafelberg en Robbeneiland oorkant die baai.

Stap jy langs die strandpaadjie deur die ou dorpie, gaan jy verby 3 bekende restaurante. Een hiervan is Ons Huisie, 'n tradisioneel geboude Weskus-vissershuisie wat nou 'n nasionale monument is.

Die knus woonstel bied slaapplek aan 3 gaste. Die oopplan-kamer wat na die see kyk het 'n koninggrootte-bed en 'n enkelbed, asook 'n sitarea. Daar is 'n badkamer met 'n bad en 'n stort. Die kombuis is toegerus met 'n yskas, oond, stoof en mikrogolf. Die woonstel is toegerus met 'n TV met OpenView, en gaste het toegang tot veilige parkeerplek. Braaigeriewe is beskikbaar in die tuinarea op die grondvloer.

Geniet vlieërbranderplankry, seilplankry of swem by die bekende Big Bay Beach, of ontspan net en geniet die uitsig. Vir die gholfspelers is daar 'n keuse tussen 2 bekende gholfbane in die omgewing; Atlantic Beach of Milnerton Gholfbaan. Canal Walk Winkelsentrum is 12,8 km weg.