Blue Emerald Villa

Selfsorg

Kapasiteit: 14 persone
Alle ouderdomme is welkom
Inkloktyd: 14:00 tot 23:00
Uitkloktyd: 11:00
Adres: Geneva-rylaan 23, Kampsbaai, Kaapstad, 8005, Wes-Kaap
Vanaf R17 500 per nag (plek vir 14)

Beskrywing

Blue Emerald Villa is 'n pragtige selfsorgvilla in die hartjie van Kampsbaai in Kaapstad, net 600 m vanaf die strand. Die villa spog met 'n asemrowende uitsig oor die strand en op Leeukop en is ideaal vir 'n wegbreek by die see in die pragtige Moederstad.

Die tripelverdieping-villa bied slaapplek aan 14 gaste en beskik oor 7 slaapkamers, 7 badkamers en 'n gastetoilet. Elke slaapkamer het 'n koninggrootte-bed en lugversorging. Elke badkamer het 'n bad en 'n stort óf net 'n stort. Gehaltelinne en badhanddoeke word voorsien, maar gaste moet hul eie strandhanddoeke saambring.

Die oopplan-leefarea beslaan die middelste verdieping en beskik oor 'n kombuis wat met 'n gasstoof, elektriese oond, lugbraaier, mikrogolfoond, yskas-vrieskas, eetgerei, breekware en 'n koffiemasjien toegerus is. Die kombuis lei na 'n etenstafel en 'n sitarea met gemaklike sitplek, 'n draagbare gasverwarmer en 'n TV. Gratis WiFi is ook beskikbaar.

Daar is 'n tweede eetarea en 'n formele sitkamer met 'n kaggel. Aan die ander kant van hierdie leefarea is 'n tweede TV-sitkamer, 'n kroeg met 'n ysmasjien en 'n wynyskas, en 'n pooltafel. Dié leefarea lei na 'n stoep met 'n buite-etenstafel, sithoekie, gasbraai en 'n swembad met sonstoele.

Kry ’n Kwotasie