Bo La Motte Farming and Tourism

Selfsorg

Soos Gesien op Instagram
Kapasiteit: 28 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Middagkrans-weg, Franschhoek, 7690, Wes-Kaap
Vanaf R1 750 per nag (plek vir 2)
TGCSA-gradering:

Beskrywing

Bo La Motte Farming and Tourism spog met lieflike uitsigte oor die berge, wingerde en damme in die area en is aan die voet van die Middagkransberge en binne maklike bereik van die pragtige dorpie Franschhoek geleë.

Die plaas bied verblyf in 7 kothuise en is ideaal vir sakereisigers, vakansiegangers en gesinswegbreke. Die Pump House en Oak Cottage beskik elk oor 1 slaapkamer. Goose Cottage, Pear Tree Cottage en Milkwood Cottage het elk 2 slaapkamers en die Owl Cottage en die Lake House is die grootste eenhede met 3 slaapkamers in elk.

Elke kothuis het 'n kombuis wat volledig toegerus is met 'n stoof en oond, 'n mikrogolfoond, 'n yskas, tee- en koffiemaakgeriewe, breekware en eetgerei. Beddegoed, bad- en swemhanddoeke word ook voorsien vir gaste se gerief.

Daar is gratis WiFi asook 'n TV met sekere DStv-kanale vir gaste se vermaak, en 'n knus kaggel in die sitkamer vir daardie koue, winterdae en -aande. Sportondersteuners sal verlig wees dat die meeste sportkanale beskikbaar is. Al die eenhede het 'n patio met braaigeriewe.

Gaste is welkom om die plaas te verken, 'n kombers en piekniekmandjie te vat, in die swembad af te koel, die hoenders met broodkrummels te bederf of net 'n rusbankaartappel te wees en op te krul met 'n goeie boek en glasie wyn.

Daar is 6 vriendelike residensiële honde op die perseel en gaste sal met aankoms deur hulle verwelkom word.

Kry ’n Kwotasie