Boesmanskloof Repens Cottage - No.6

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Onverwacht, McGregor, 6708, Wes-Kaap
Vanaf R1 800 per nag, vir 6 mense

Beskrywing

Boesmanskloof Repens Cottage - No.6 is tussen McGregor en Greyton geleë en 2 uur se ry vanaf Kaapstad via Worcester, Robertson en McGregor. Dit word dikwels Die pad na nêrens genoem. Gedurende die nag sorg die ligte van die dorpies op die R62, die wêreld se langste wynroete, en die Overberg vir 'n skilderagtige uitsig. Hierdie is die ideale bestemming vir gaste wat op soek is na 'n rustige wegbreek.

Dié kothuis beskik oor 2 slaapkamers en 1 badkamer en bied slaapplek aan 6 gaste. Elke slaapkamer het 2 enkelbeddens en daar is 2 ekstra enkelbeddens in die leefarea. Die badkamer het 'n stort en linne en handdoeke word voorsien.

Die kothuis beskik ook oor 'n eet- en sitarea met 'n kaggel. Die kombuis is met 'n yskas, tweeplaatstoof en 'n mikrogolfoond toegerus. Daar is 'n swembad en braaigeriewe en die verblyf bied 'n uitsig oor die Gobosrivier met verskeie rotspoele.

Deur die aanwysings te volg wat vanaf die Gobosrivier of die nabygeleë gemerkte voetpad begin, kan gaste lekker gaan stap en die unieke blommerykdom op die plaas geniet. Hierdie verblyf is in die hartjie van die Riviersonderendberge geleë en is 'n natuurliefhebber se paradys. Dit word ook deur die Langeberge en Galgeberge se bergpieke omring.

Kry ’n Kwotasie