Bokkomblommetjie

Selfsorg

Kapasiteit: 13 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: DF Malan-straat 17, Lambertsbaai, 8130, Wes-Kaap
Vanaf R500 per nag, vir 2 mense

Beskrywing

Bokkomblommetjie bied knus selfsorgverblyf in Lambertsbaai en is net 600 m vanaf die strand en 400 m vanaf verskeie winkels en restaurante geleë.

Verblyf word in 3 woonstelle op die eerste verdieping gebied: Seemeeu, Blommetjie en Tjippie.

Die Seemeeu-eenheid is op die eerste verdieping geleë, word met 2 stelle trappe bereik en spog met 'n asemrowende uitsig en wonderlike sonsondergange. Die eenheid beskik oor 2 slaapkamers waarvan die hoofslaapkamer 'n koningingrootte-bed met ingeboude kaste het en die tweede slaapkamer 2 enkelbeddens en 'n ingeboude klerekas het. 2 enkelbeddens is in die leefarea beskikbaar. Die badkamer het 'n stort met 'n sitplek, 'n toilet en wasbak. Die oopplan-kombuis is met 'n stoof, oond, yskas, mikrogolfoond en tee- en koffiemaakgeriewe toegerus. Ander geriewe sluit WiFi en 'n TV met Netflix in. Daar is 'n ingeboude braai op die balkon met ingeboude bankies.

Die Blommetjie-woonstel is op die eerste verdieping en lei na 'n balkon met 'n lieflike, gedeeltelike see-uitsig. Die woonstel beskik oor 2 slaapkamers, 1 badkamer en 'n oopplan-kombuis en -sitarea. Die hoofslaapkamer het 'n dubbelbed en die tweede slaapkamer het 2 enkelbeddens. 'n Enkelslaapbank is beskikbaar en die badkamer het 'n stort, bad en toilet. Die oopplan-kombuis is met 'n tweeplaatstoof, oond, mikrogolf, yskas en tee- en koffiemaakgeriewe toegerus. Die sitarea het 'n TV met Netflix en lei na die balkon.

Die Tjippie-eenheid bied slaapplek aan 2 gaste en het 'n dubbelbed of 2 enkelbeddens en 'n en suite-badkamer met 'n stort. Geriewe in die kamer sluit 'n kombuisie met 'n mikrogolfoond, tweeplaatstoof, eetgerei, breekware, WiFi en 'n TV met Netflix in. Dié eenheid het ook sy eie privaat ingang en 'n braai-area. Dit grens aan die pad en is met 'n afskorting vir privaatheid toegerus.

Parkeerplek is in die straat beskikbaar en toesluitparkeerplek is op die perseel of 2 erwe vanaf die verblyf beskikbaar.

Lambertsbaai bied 'n rits buitelugrestaurante en aktiwiteite soos sandplankry, swem, branderplankry, visvang, 4x4-roetes en veerbote om Bird Island te besoek, of die dolfyne of walvisse tussen Augustus en November te sien.

Kry ’n Kwotasie

Kenmerke

Afrikaans

Braaiplek

Gratis WiFi

Sien nog geriewe

Geriewe

Braaiplek
Gastesitkamer
Kombuisgeriewe
Geen Rook Binnenshuis
Malaria-vrye streek
Selfsorg
Skoonmaakdiens Op Versoek
Gratis WiFi
WiFi

Aktiwiteite Naby

Visvang
Voëlkyk
Wynproe
Fietsry
Bergfietsroetes
Swem

Hier praat ons

Afrikaans
Engels

Parkeerplek

Parkering Van Die Straat Af
Parkering Op Die Straat

Betaalopsies op Perseel

Kontant
Elektroniese Fondsoorplasing

Resensies

4.4/ 5

Gebaseer op 87 resensies

Baie goed

Netheid

4.5

Ligging

4.0

Waarde vir geld

4.7

Diens

4.7

Veiligheid

4.4

Gaste se hoogtepunte

Ansie V

Saam met lewensmaat

5.0

Ons was loop af van winkels af. Dit is so veilig daar, niks om te worry. Fantasties gebly, mooiste sonsondergang, so tuis gevoel. Alles wat nodig is, ...

Sien meer

Nov 2024

Alezander M

Saam met lewensmaat

5.0

Uitstekend. Baie netjies en skoon. Ons was baie goed ontvang en so bietjie vertel van die dorp. Baie vriendelike gasheer. Sal beslis weer gaan.

Okt 2024

Lusche L

Saam met lewensmaat

5.0

Fantasies, rustig en sielkos. Dit was een fantastiese en romantiese aand vir ons, sal enige tyd weer kom.

Sep 2024