Bon Forelle Selfsorg

Selfsorg

Gratis kansellasie tot 24 uur voor jou verblyf!
Kapasiteit: 8 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Breestraat 7, Prins Alfred Hamlet, 6835, Wes-Kaap
Vanaf R750 per nag (plek vir 2)

Beskrywing

Bon Forelle Selfsorg is in die lieflike Prins Alfred Hamlet geleë, 7 km vanaf Ceres op pad na die Cederberge en die Koue Bokkeveld.

Gaste het 'n keuse van lieflike kamers, elk met 'n privaat ingang. Elkeen van die oopplan-kamers met lugversorging is ingerig met 'n koningingrootte-bed en 'n slaapbank, en het 'n en suite-badkamer met 'n stort en 'n toilet. Gerieflikheidshalwe word linne en badhanddoeke voorsien.

Die kombuisies is toegerus met tweeplaatstowe en oonde, mikrogolwe, elektriese braaipanne, yskaste, eetgerei en breekware, potte en panne, asook tee- en koffiemaakgeriewe, en etes kan by die etenstafels geniet word. 'n TV met sekere DStv-kanale, asook WiFi-toegang, is ook in elk van die kamers beskikbaar. 'n Omskakelaar is beskikbaar om toestelle te laai en die ligte en TV aan te hou tydens beurtkrag.

Braaigeriewe en parkeerplek vir elke kamer is beskikbaar vir gaste om te gebruik.

Prins Alfred Hamlet bied verskeie doendinge soos voëlkyk, en voetslaan in die Matroosberg Natuurreservaat, en gaste kan ook die Middel Keurbooms Bewarea of verskeie natuurreservate soos die Witzenberg Natuurreservaat naby Ceres, wat in die area voorkom, besoek.

Kry ’n Kwotasie