Beskrywing

Nyala Lodge is 'n selfsorg-lodge wat in die Bonamanzi-wildreservaat geleë is; 5 km vanaf die dorp Hluhluwe. Bonamanzi is 'n wildreservaat in privaat besit, 4000 hektaar groot met die Hluhluwerivier wat die oostelike grens vorm.

Die huis het 9 lugversorgde dubbelslaapkamers en bied slaapplek aan tot 18 mense. Die 3 buitenste slaapkamers is en suite en die ander 6 binnekamers deel 2 storte en 2 toiletgeriewe.

Die kombuis is volledig toegerus vir selfsorg en beskik oor 'n stoof, oond, yskas-vrieskas, mikrogolfoond, ketel, broodrooster, en eetgerei en breekware. Gaste moet hul eie drinkwater saambring. Daar is ook 'n sitkamer en eetarea. Buite dit 'n onderdakstoep met 'n groot tafel om te eet. Daar is 'n ingeboude braai-area voor die huis.

Nyala House is nie privaat nie, want daar is nog 'n lodge, en kampeerplekke naby geleë. Gaste is welkom om van die restaurant en geriewe by die hoofonthaalarea, sowat 2,5 km weg, gebruik te maak. Gaste kan hul eie houers wat hervul kan word met tru-osmose water by die kroeg bring, gratis.