Beskrywing

Rustic 2 Sleeper Tree Houses is selfsorg-eenhede in die Bonamanzi Wildreservaat, 5 km van Hluhluwe af. Bonamanzi is 'n wildreservaat wat privaat besit word en dit strek 4000 ha tot by die Hluhluwerivier wat die oostelike grens vorm.

Daar is 4 eenhede wat elkeen slaapplek vir 2 volwassenes het. Die eenhede is relatief privaat en op stelte gebou. Elke eenheid het 'n dubbelbed en 'n en suite-badkamer met 'n stort, toilet en 'n wasbak. Badhanddoeke word voorsien.

Die kombuis is vir selfsorg toegerus en sluit 'n tweeplaatstoof, yskas, mikrogolfoond, ketel, broodrooster, eetgerei en breekware in. Daar word 2 liter filterwater elke dag by die eenhede afgelewer, maar gaste word aangemoedig om ekstra drinkwater saam te bring.

Elke eenheid het 'n braai-area en gaste kan bondels hout by die ontvangstoonbank koop. Aangesien die eenhede op stelte is, is dit ideaal vir voëlkyk en wildkyk van die stoep af.

Gaste is welkom om van die restaurant en geriewe by die hoof-ontvangs gebruik te maak. Dit is sowat 800 m ver via 'n voetpaadjie. Gaste kan gerus hulle eie houers saambring en dit gratis by die kroeg met filterwater vul. Gaste moet asb. nie die kraanwater drink nie.