Beskrywing

Rustic 2 Sleeper Tree Houses is selfsorg-eenhede wat in die Bonamanzi-wildreservaat geleë is; 5 km vanaf die dorp Hluhluwe. Bonamanzi is 'n wildreservaat in privaat besit, 4000 hektaar groot met die Hluhluwerivier wat die oostelike grens vorm.

Daar is 4 eenhede wat elk 2 volwassenes kan akkommodeer. Die eenhede is op stelte gebou en is relatief privaat. Elke eenheid het 'n dubbelbed en 'n en suite-badkamer met 'n stort, toilet en wasbak. Badhanddoeke word voorsien.

Die kombuis is toegerus vir selfsorg en beskik oor 'n tweeplaatstoof, yskas, mikrogolf, ketel, broodrooster, eetgerei en breekware. Daar word 2 liter tru-osmose-water per dag aan hierdie eenhede verskaf, maar gaste word aangemoedig om bykomende drinkwater saam te bring.

Elke eenheid het 'n braai-area, gaste kan bondels hout by die ontvangstoonbank koop. Omdat hierdie rustieke eenhede verhewe is, gee dit 'n mens die voordeel om die voëls en vreemde wild wat vanaf die stoep deurtrek te sien.

Gaste is welkom om via 'n paadjie van die restaurant en geriewe by die hoofonthaalarea, sowat 800 m weg, gebruik te maak. Gaste kan hul eie houers wat hervul kan word met tru-osmose water by die kroeg bring, gratis. Moet asseblief nie water uit die kraan drink nie.