Boomhuisie

Selfsorg

Kapasiteit: 23 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Gilfillanstraat 29, Komatipoort, 1340, Mpumalanga
Vanaf R1 300 per nag, vir 2 mense

Beskrywing

Boomhuisie bestaan uit 3 selfsorg-eenhede in Komatipoort, daar waar die Krokodil- en die Komatirivier bymekaarkom. Besienswaardighede soos die Krugerwildtuin, Kambaku Gholfklub en Mosambiek se grens is net 'n hanetreetjie van die huis af geleë.

Die huis, Boomhuisie, het 2 slaapkamers wat albei en suite-badkamers het, 'n oopplan-sitkamer en -kombuis, en 'n eetarea op die balkon. Die eerste slaapkamer het 'n dubbelbed en 'n en suite-badkamer. Die tweede slaapkamer het 'n koningingrootte-bed, 'n enkelbed en 'n en suite-badkamer. Die kombuis is toegerus met 'n yskas-vrieskas, mikrogolf, ketel, stoof, oond, en filterkoffiemasjien. Verder is daar 'n TV met sekere DStv-kanale, lugversorging, plafonwaaiers, 'n swembad en 'n braai-area.

Eenheid 2 beskik oor 2 slaapkamers en 2 badkamers, waarvan 1 en suite is. Die eenheid het 'n oopplan-leefarea en 'n kombuis wat buite na die swembadarea lei. Daar is lugversorging, DStv en ’n waaier.

Eenheid 3 het ’n kombuis wat goed toegerus is en dit lei na die oopplan-sitarea en -leefarea. Die eenheid het 1 slaapkamer met 'n koningingrootte-bed en 1 badkamer. Ander geriewe sluit WiFi, lugversorging en DStv in. Die eenheid het ook 'n privaat tuinarea.

Doendinge in die omgewing sluit gholf, visvang, 4x4, safari's en toere na die Wildtuin, vierwielmotorfietsry, swem en stap in.

Kry ’n Kwotasie