Boplaas Guesthouse

Selfsorg

Kapasiteit: 8 persone
Alle ouderdomme is welkom
Inkloktyd: 15:00 tot 22:00
Uitkloktyd: 11:00
Adres: Boplaas Estate, Koue Bokkeveld, Ceres, 6836, Wes-Kaap
Vanaf R6 800 per nag, vir 8 mense

Beskrywing

Boplaas Guesthouse bied gerieflike selfsorgverblyf in 'n lieflike vierslaapkamerhuis wat smaakvol versier is en lieflike uitsigte oor die pragtige omgewing bied. Die gastehuis is op 'n plaas geleë wat uit 1743 dateer en vrugte uitvoer. Boplaas is in die Koue Bokkeveld sowat 56 km van Ceres af geleë.

Die gastehuis is op sy eie privaat perseel geleë waar gaste op warm somersdae toegang tot 'n plaasdam het. Die huis het slaapplek vir 8 gaste in 4 slaapkamers. Daar is 2 badkamers, 'n kombuis wat volledig toegerus is, 'n waskamer, 'n sitkamer en 'n braaikamer met 'n eetarea. Daar is 'n lieflike dek buite en 'n dubbelmotorhuis vir parkeerplek. 3 van die slaapkamers het elk 'n koningingrootte-bed en die vierde slaapkamer het 2 enkelbeddens. Elke slaapkamer het lugversorging en 'n haardroër. Die huis het 'n yskas, stoof, oond, 'n mikrogolf, gratis WiFi en sekere DStv-kanale.

Gaste kan gaan fietsry en voetslaan op die plaas en in die omliggende omgewing en op 'n warm somersaand kan 'n mens lekker braai. Die geskiedkundige plaashuis is ook 'n nasionale monument en is oop vir besoekers indien dit vooraf gereël word. Dit is ook die Afrikaanse digter Boerneef se tuiste en besoekers kan sy werk tydens die toer bewonder. Aangesien daar 'n vlieënier in die familie is kan gaste hulle geliefdes met 'n vlug oor die area in een van die lugvaartuie bederf. Vlugbeprekings moet 'n maand voor die inklokdatum gemaak word.

Kry ’n Kwotasie