Bordeaux River Cottages - Shiraz

Selfsorg

Gratis kansellasie tot 1 week voor jou verblyf!
Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Swellendam-weg, Bordeaux, Bonnievale, 6730, Wes-Kaap
Vanaf R1 220 per nag, vir 6 mense

Beskrywing

Bordeaux River Cottages - Shiraz is een uit drie selfsorgkothuise wat op die eienaar se plaas buite die klein dorpie Bonnievale, Wes-Kaap geleë is. Hierdie rivieroewer-eenheid is 'n ideale verblyf vir diegene wat op soek is na 'n rustige ontsnapping van die stad se gewoel.

Dié kothuis het slaapplek vir tot 6 gaste in 2 slaapkamers en 1 badkamer. Albei die slaapkamers is ingerig met 'n dubbelbed, terwyl daar 2 ekstra enkelbeddens in die leefarea is. Die gedeelde badkamer het 'n stort, wasbak en toilet. Linne en handdoeke word voorsien.

Die kombuisie is toegerus met 'n yskas-vrieskas, tweeplaatstoof met mini-oond, mikrogolf, eetgerei en breekware en tee- en koffiemaakgeriewe. Die leefarea is ook ingerig met 'n plafonwaaier, TV, etenstafel en 'n binnebraai. Toegang tot Wi-Fi is beskikbaar. Indien gaste DStv wil kyk, moet hulle hul eie dekodeerder of PVR saambring.

Gaste het privaat toegang tot die rivier, waar hulle kan swem of visvang. Doendinge op die perseel sluit visvang en kanovaarte op die rivier in. Parkeerplek is op die perseel beskikbaar. Hierdie eiendom is ongeveer 11,6 km buite Bonnievale waar gaste geriewe soos winkels en restaurante kan geniet.

Kry ’n Kwotasie