Salig, gesellig en goed vir die siel! Bos en See was die perfekte plek vir ons as familie om by mekaar te kom. Die ligging is lieflik en die plek het alles wat 'n mens nodig het. Erna is 'n uitstekende gasvrou wat deurlopend belangrike inligting kommunikeer. Ons sal graag weer daar wil bly om nog herinneringe te versamel.

Heerlik, gerieflik, veilig en naby die see. Bos en seevakansie verblyf in Keurboomstrand is 'n wonderlike plekkie om vakansie te hou, lekker naby die see en goeie waarde vir geld. Sal dit beslis weer besoek.

Dit was absoluut heerlik. Baie gerieflike, ou seehuis soos ek uit my kinderdae onthou. Heerlik tussen die bome met pragtige uitsig. Baie goed toegerus. Koel tussen die bome so neem maar warm klere vir herfs en winter saam. Genoeg verwarmers en komberse word voorsien. Lieflik naby strand geleë en baie veilig. Trappe dalk probleem indien ouer persone in geselskap is.

Perfek geleë onder die bome en naby die strand - baie stil en veilig. Hierdie was ons derde verblyf by Bos en See - dis heerlik vir 'n groot gesin. Die ou woning bied alle geriewe soos nodig wanneer mens gemaklik wil vakansie hou. Ons was net teleurgesteld dat die skottelgoedwasser wat tydens ons vorige besoeke in die kombuis was, hierdie keer nie meer daar was nie. Andersins het ons baie lekker vakansiegehou.

Fantasties. Aangename bestuurder. Alles was netjies en skoon en ek sal weer van hul gebruik maak.

Heerlike familievakansie in 'n stil veilige omgewing en baie naby aan die see. Dit was die tweede keer wat ons tuis gegaan het by Bos en See. Dis ideaal vir ons groot gesin. Die vakansie was rustig en ontspannend.

Ons vakansie was heerlik rustig en ontspanne. Ons uitgebreide gesin van 10 mense het die week se vakansie by Bos en See terdeë geniet.

Om saans aan die slaap te raak met die gedreun van die branders, en wakker te word met die gesels van die bosvoëltjies - wat meer kan 'n mens vra? 'n Ideale wegbreek vir almal wat rus en stilte in die natuur soek. Netjiese houthuis wat opgegradeer is om al die nodige geriewe te hê. Ruim 4 slaapkamers en groot woonkamer vir 'n lekker familiekuier. Naby genoeg aan Plettenbergbaai vir dié wat in interessante winkeltjies wil rondloop.

Het baie lekker gebly en al die reëlings het baie glad verloop. Sal definitief weer in die toekoms daarheen gaan. Baie lekker gebly. Die ligging is uitstekend, die kamers en geriewe is heeltemal voldoende vir 'n lekker groot gesin. Beide die kleiner kinders en die tieners het dit baie geniet!

Huis, weg van die huis af. Baie dankie vir die beste van twee wêrelde. Ons as familie het regtig tuis gevoel.