Bos en See

Selfsorg

Gratis kansellasie tot 1 week voor jou verblyf!
Kapasiteit: 8 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Bos en See, Keurus, Keurboomstrand, 6600, Wes-Kaap
Vanaf R3 200 per nag (plek vir 8)

Beskrywing

Bos en See is 'n selfsorgkothuis in Keurboomstrand, 'n pragtige kusdorpie in die hartjie van die Tuinroete, slegs 13 km van Plettenbergbaai af.

Die kothuis is op die strand met 'n gedeeltelike see-uitsig. Dit bied slaapplek aan 8 gaste. Die huis beskik oor 4 slaapkamers en 2 badkamers met storte. Daar is ook 'n buitestort, toilet en wasbak. Drie van die slaapkamers en een badkamer is op die boonste verdieping. Die eerste slaapkamer is ingerig met 'n koningingrootte-bed, die tweede slaapkamer 'n dubbelbed en die derde een 2 enkelbeddens. Die vierde slaapkamer is op die grondverdieping en is ingerig met 'n dubbelbed. Hierdie kamer het 'n en suite-badkamer. Linne word voorsien, maar bring asb. jou eie strand- en badhanddoeke. Die kombuis is goed toegerus met 'n mikrogolfoond en 'n stoof, asook 'n eenplaatgasstofie. Die sitkamer/eetkamer maak oop op 'n ruim, bedekte houtdek met 'n Weber-gasbraai.

Bos en See is perfek vir gesinsvakansies. Dit is baie veilig vir kinders om na die strand te gaan wat slegs 100 m van die huis af is, terwyl die ouers rustig onder die skadubome ontspan.

Keurboomstrand spog met een van die beste Italiaanse restaurante langs die Tuinroete. Enrico's is reg op die strand en bied 'n ongelooflike uitsig oor die see en op die berg.

Om naby aan Plettenbergbaai, Knysna en Tsitsikamma te wees, verseker dat jy baie doendinge kan aanpak in die omliggende omgewing. Daar is talle aktiwiteite en besienswaardighede net 15 minute se ry vanaf Keurboomstrand. Jy kan die indrukwekkende voëlpark, Birds of Eden, besoek waar voëls vrylik rondvlieg. Reg langsaan is Monkeyland wat die wêreld se eerste park is waar verskeie aapspesies vrylik rondbeweeg. Die Bloukrans Bungy-jump brug is ook naby vir adrenalien-vrate. Verder is daar Stormsrivier Canopy Tours en verskeie ander buitelug-aktiwiteite.

Die Knysna Olifantpark stel jou in staat om te ervaar hoe olifante uit jou hand uit eet! Die Wolfpark op pad na ons kan ook besoek word.

Kry ’n Kwotasie