Boscobel Cottages

Selfsorg

Gratis kansellasie tot 1 week voor jou verblyf!
Kapasiteit: 12 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Op die 'O'-pad, Magoebaskloof, Haenertsburg, 0730, Limpopo
Vanaf R1 000 per nag, vir 2 mense

Beskrywing

Boscobel Cottages is tussen die beeldskone, welige berge en strome van Magoebaskloof geleë en bied gerieflike selfsorg-akkommodasie in 3 knus grasdak-kothuise met die mooiste grasperke.

Die kothuise is lekker privaat en elkeen het sy eie kleurskema en spesiale naam wat die Boscobel-geskiedenis weerspieël. Die Royal Cottage is in rooi getooi, die Crown Cottage in blou en die Acorn Cottage is 'n welige groen. Die kothuisies is goed toegerus en het lieflike kaggels wat 'n besonderse element by die kothuisies voeg. Elke kothuisie se grondvloer het 'n hoofslaapkamer, 'n badkamer en 'n kombuis wat op die stoep met 'n braai oopmaak. Twee van die kothuise het 'n stort bo die bad en die derde kothuis het slegs 'n stort. Die boonste solderarea het 2 enkelbeddens. Die kombuis is toegerus met breekware en eetgerei, kooktoebehore, 'n tweeplaatstoof, 'n mikrogolfoond en 'n yskas. Daar is oorgenoeg vriesplek in die hoof-lodge beskikbaar.

Die perseel is heeltemal omhein en veilig. Elke kothuis het sy eie onderdakparkeerplek vir 'n voertuig en buitebraaigeriewe. Die sentrale lodge het 'n gerieflike TV-kamer vir gaste. Daar is verskeie damme en riviere in die omgewing wat uitstekende kunsvlieghengel-geleenthede skep. Visvangpermitte vir rivierhengel by Boscabel Cottages kan op versoek deur die eienaars gereël word. Ander aktiwiteite sluit voëlkyk en stap in en gaste is welkom om hulle eie bergfietse saam te bring en die roetes, wat deur die woude en verby die strome kronkel, te verken.

Kry ’n Kwotasie