Boston Ivy

Selfsorg

Langtermynverblyf-aanbod 25% af

Kry 25% af vir verblyf wat 20 nagte of langer is. Hierdie aanbod is altyd geldig.

Gratis kansellasie tot 24 uur voor jou verblyf!
Kapasiteit: 3 persone
Alle ouderdomme is welkom
Inkloktyd: 16:00 tot 19:00
Uitkloktyd: 10:00
Adres: Rhosstraat 50, Boston, Kaapstad, 7530, Wes-Kaap
Vanaf ~~R1 250~~ R938 per nag, vir 3 mense

Beskrywing

Boston Ivy is 'n selfsorgwoonstel wat op die eienaar se perseel in Boston, Kaapstad geleë is. Dit is ideaal vir 'n paartjie of 'n enkelreisiger wat op soek is na 'n gerieflike wegbreek en 'n sentrale punt naby verskeie geriewe.

Die woonstel is smaakvol ingerig met 1 slaapkamer met 2 enkelbeddens. Die woonstel beskik ook oor 'n ten volle toegeruste kombuis met 'n yskas-vrieskas, mikrogolfoond, tweeplaatstoof met 'n oond, sowel as breekware en eetgerei. Die badkamer beskik oor 'n wasbak, stort en 'n toilet. In die leefarea is daar 2 rusbanke, wat as derde slaapplek kan dien. Die woonstel het sy eie privaat ingang en ketelbraaigeriewe.

Verder is daar DStv-premium en gratis WiFi. Dit is 'n troeteldiervriendelike woonstel vir tot 2 klein hondjies, indien vooraf gereël. Daar is veilige onderdakparkeerplek vir een motor op die perseel en 24 uur-sekuriteitskameras.

Boston Ivy is naby verskeie winkelsentrums soos Tygervallei, Willowbridge en Century City geleë en is baie sentraal sodat gaste die nabygeleë wynroetes van Durbanville, Stellenbosch en die Paarl kan besoek, sowel as Kaapstad self. Die woonstel is naby 5 hospitale geleë, naamlik Tygerberg (4,7 km), Louis Leipoldt MediClinic (1,8 km), Karl Bremer (2,4 km), Bellville Mediese Sentrum - Melomed (800 m) en Panorama MediClinic (6,2 km). Ons is ook slegs 11,3 km vanaf Kaapstad Internasionale Lughawe.

Kry ’n Kwotasie