Botuin Cottages

Selfsorg

Gratis kansellasie tot 1 week voor jou verblyf!
Kapasiteit: 10 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Goeie Hoop-straat Nr.2, Vanrhynsdorp, 8170, Wes-Kaap
Vanaf R1 000 per nag, vir 2 mense

Beskrywing

Botuin bied selfsorg-akkommodasie in kothuise op 'n olyfplaas van 5 hektaar aan die buitewyke van Vanrhynsdorp aan die voet van die Maskamberge. Die Troe-Troe-rivier loop deur die perseel. Dit is gewoonlik droog, maar in die winter oorstroom dit soms wat nogal iets is om te beleef. Die rustige ligging maak dit die ideale plek om behoorlik te ontspan.

Botuin het 3 kothuise wat elkeen 'n oopplan-uitleg het. Kalamata-kothuis het 'n dubbelbed en 'n enkelbed, Mission-kothuis het 'n dubbelbed en Frantoio-kothuis het 2 enkelbeddens en 'n dubbelbed in 'n ekstra slaapkamer. Let asb. daarop dat Fantoio meer geskik is vir 'n familie, en nie vir 2 paartjies nie. Al die kothuise is volledig toegerus en het DStv, lugversorging en privaat braaigeriewe. Die kothuise is stylvol ingerig met handgemaakte houtmeubels. Botuin bied klein ekstras wat katoenperkallinne, 'n koffiestasie met 'n dompelkoffiepot en hartlike gasvryheid insluit.

Geriewe op die perseel sluit 'n swembad, braai-area, WiFi en veilige parkeerplek in. Botuin is troeteldiervriendelik en voëlvriendelik en daar is 'n Namakwalangstertjie wat in die tuin woon.

Botuin het sowat 400 olyfbome op die plaas wat frantoio-, mission- en kalamata-variëteite insluit. Ekstra-suiwer olyfolies en tafelolywe is beskikbaar teen billike pryse.

Kry ’n Kwotasie