Bramleigh Farm

Selfsorg

Langtermynverblyf-aanbod 45% af

Kry 45% af vir verblyf wat 30 nagte of langer is. Hierdie aanbod is altyd geldig.

Kapasiteit: 4 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: 3 D544, Bramleigh Manor Guest Farm, Nottingham Road, 3280, KwaZulu-Natal
Vanaf ~~R1 250~~ R688 per nag, vir 2 mense

Beskrywing

Bramleigh Farm is 'n plattelandse gastehuis en eko-landgoed op 'n organiese mikroplaas wat tussen die berge en 'n inheemse woud versteek is. Bramleigh Farm is in Fort Notthingham, 25 km buite Nottingham Road en 'n grondpad van 5 km lei na die instansie.

Die Orchard Cottage het gerieflike slaapplek vir 4 gaste, en beskik oor 2 slaapkamers, 'n oopplan-sitarea en -kombuis. Elke slaapkamer het 'n koninggrootte-bed, kaggel, stoep en 'n privaat en suite-badkamer met stort en Victoriaanse styl-bad.

Die geriewe werk met sonkrag en natuurlike skoonmaakprodukte word gebruik vir 'n volhoubare onderneming, tog word gerief nie prysgegee nie met items soos elektriese komberse, verhitte handdoekrelings en gratis WiFi.

Gaste is welkom om van die plaaslike en tuisgemaakte produkte te koop, soos plaashoenders en -eiers, varke wat in die woud grootgemaak word en seisoenale groente sowel as ander plaaslike tuisnywerheidprodukte.

Die omliggende berge en woud beteken dat daar geen selfoonopvangs of 'n TV is nie, wat vir gaste die geleentheid bied om volkome uit te rus. Kom geniet die uitstappies in die inheemse woud: die tuiste van meer as 200 voëlspesies en die eeu-oue geelhoutbome. Doendinge in die omgewing sluit voetslaan of fietsry met die berg op, wildkyk en kunsvlieghengel in en is slegs 20 minute vanaf die Midlands Meander-roete. Bramleigh Farm is ideaal vir voëlkykers, fotograwe, skrywers, natuurliefhebbers, voetslaners of paartjies wat op soek is na 'n romantiese wegbreek.

Kry ’n Kwotasie