Branderkant 8

Selfsorg

Kapasiteit: 4 persone
Alle ouderdomme is welkom
Inkloktyd: 15:00 tot 23:00
Uitkloktyd: 09:00
Adres: Ray-weg 97, Ramsgate, Margate, 4285, KwaZulu-Natal
Vanaf R670 per nag (plek vir 4)

Beskrywing

Branderkant 8 is 'n dubbelverdieping-selfsorgwoonstel in die veilige Branderkant-kompleks in die vakansiedorp, Ramsgate, aan KwaZulu-Natal se Suidkus. Die woonstel is naby verskeie winkels, restaurante, aktiwiteite en die strand.

Die woonstel het slaapplek vir 4 volwassenes en beskik oor 2 slaapkamers, 1 badkamer en 'n gastetoilet, asook 'n oopplan-kombuis, -eetarea en -leefarea. Die eerste slaapkamer het 'n dubbelbed, die tweede slaapkamer het 2 enkelbeddens en daar is 'n ekstra slaaphoekie met 'n enkelbed wat geskik is vir 'n kind. Die badkamer het 'n bad, stort, toilet en 'n wasbak.

Die kombuis is met 'n stoof, oond, mikrogolf, yskas, eetgerei en breekware toegerus. Die sitarea het sitplek en 'n TV met 'n DStv-koppelpunt sou gaste hul eie dekodeerder, slimkaart, kabels en afstandbeheer saambring.

Die Branderkant-kompleks bied direkte, privaat strandtoegang wat minder as 50 meter van die voordeur af is en daar is 'n gemeenskaplike braai-area in die kompleks. Toesluitparkeerplek is beskikbaar.

Kry ’n Kwotasie