Beskrywing

Die gesinsvriendelike Breakers Resort aan die kus van Umhlanga Rocks bied gehalte-verblyf en 'n verskeidenheid vermaak gedurende die dag en die nag. Dit is net 60 m van die strand en die wandelroete van die Wetlands Sanctuary af.

Apartment 319 is 'n moderne woonstel met 2 slaapkamers en ideaal vir 'n klein gesin of 'n groep vriende. Die hoofslaapkamer het 'n koninggrootte-bed en die tweede slaapkamer het 2 enkelbeddens. Die badkamer het 'n stort, bad, toilet en wasbak.

Die kombuis is met 'n stoof, oond, mikrogolfoond, yskas, koffie- en teemaakgeriewe, breekware en eetgerei toegerus.

Die leefarea het gemaklike sitplek en 'n TV met DStv. Gratis WiFi is in die gemeenskaplike areas van die oord beskikbaar.

Die oord bied daaglikse vermaak by die swembad, kamerdiens, en 'n daaglikse skoonmaakdiens in die kamer. Daar is 3 verskillende gemeenskaplike swembaddens, 'n mini-waterpark, 'n trampolien, kinderspeelkamer, klimraam, vlugbalbaan, binnenshuise sokker- en krieketbaan, 'n restaurant op die perseel en 'n fantastiese buitesitkamer.

Breakers spog met 'n 24 uur-ontvangs en -sekuriteit, en bied veilige kelderparkeerplek.

Met baie om te doen en 'n ligging reg op die strand is die Breakers Resort die perfekte bestemming vir 'n gesinsvakansie aan Durban se kus.

Dit is 1 km vanaf die gewilde toeriste-uithangplek, The Umhlanga Village, en 1,2 km vanaf Gateway, een van die grootste winkelsentrums in Afrika.