Breakers Resort Apartment 517

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Lagoonrylaan 88, Umhlanga Rocks, Umhlanga, 4320, KwaZulu-Natal
Vanaf R1 586 per nag (plek vir 4)

Beskrywing

Breakers Resort Apartment 517 bied vakansieverblyf aan die kus by Umhlanga Rocks. Dié gesinsvriendelike oord bied 'n rits vermaak bedags en saans. Dis net 60 m se stap vanaf die strand en die Wetlands Sanctuary-voetslaanpad.

Die woonstel het 2 slaapkamers en is ideaal vir 'n klein gesin of groep vriende. Die hoofslaapkamer het 'n koninggrootte-bed en die tweede kamer het 2 enkelbeddens. Die badkamer het 'n stort, toilet en wasbak.

Die kombuis het 'n stoof, oond, mikrogolf, yskas, koffie, tee, breekware en eetgerei. Die leefarea het gemaklike sitplek en 'n TV met DStv. Gratis WiFi is beskikbaar.

Die oord bied daagliks vermaak langs die swembad, asook kamerdiens en 'n daaglikse skoonmaakdiens. Daar is 3 gemeenskaplike swembaddens, 'n waterparkie, trampolien, speletjieskamer, klimraam, vlugbal, binnenshuise sokker- en krieketveld, restaurant en 'n heerlike buite-sitarea. Ander geriewe sluit 24 uur-sekuriteit en -ontvangs, en veilige kelderparkeerplek in.

Breakers bied pure pret en plesier langs die strand en is ideaal vir 'n gesinsvakansie naby Durban. Dis net 1 km vanaf Umhlanga Village en 1,2 km vanaf Gateway, een van die grootste malls in Afrika.

Kry ’n Kwotasie