Browns Manor

Gastehuis

Kapasiteit: 25 persone
Alle ouderdomme is welkom
Inkloktyd: 13:00 tot 19:00
Uitkloktyd: 11:00
Adres: N14 Olifantshoekweg, Keidebees, Upington, 8801, Noord-Kaap
Vanaf R1 450 per nag, vir 2 mense
TGCSA-gradering:

Beskrywing

Browns Manor is een van die eerste huise wat jy sal gewaar soos jy Upington binnery via die Olifantshoekpad/N14. Ons bied 'n gerieflike, stylvolle ervaring met die gemak en gasvryheid wat eie is aan die Noord-Kaapse mense.

Gaste kan kies tussen Executive suites, Deluxe suites of standaard kamers wat altesaam slaapplek aan 22 gaste bied. Elke eenheid het lugversorging en 'n en suite-badkamer met 'n bad of stort. Vir die veiligheidsbewustes het elke kamer sy eie paniekknoppie, alarmstelsel en kluis. Browns Manor is ook rolstoelvriendelik.

Ontbyt kan binne of buite bedien word by die swembad met sy pragtige uitsig oor die Kalahari. Op aanvraag kan jy ook ontbyt in die tropiese tuin langs die koidamme geniet. Kinders kan heerlik op die groot grasperk speel. Kom ontspan in die sitkamer en kry vir jou iets van die eerlikheidskroeg. Die gasheer bied ook braaigeriewe en -pakke en 'n verskeidenheid Kaapse wyne om jou dors en siel te les.

Die area bied die volgende besienswaardighede en doendinge: die Augrabies Nasionale Park, Namakwaland se blomme tydens blommeseisoen, Kgalagadi Oorgrenspark, skemerkelkievaarte op die Oranjerivier, wynproe, gholf, 4x4 roetes, en veel meer.

Kry ’n Kwotasie