Bua Nnete Game Lodge

Lodge

Kapasiteit: 14 persone
Alle ouderdomme is welkom
Inkloktyd: 15:00 tot 19:00
Uitkloktyd: 10:00
Adres: N11 & R572, Van Wyksfontein, Tom Burke, 0621, Limpopo
Vanaf R1 200 per nag, vir 2 mense

Beskrywing

Bua Nnete Game Lodge is ’n lodge net 1 km vanaf die N11 en 9 km vanaf die Groblersbridge-grenspos na Botswana. Die Groblersbridge-grenspos is 1 van die min poste wat immigrasie en doeane-sake hanteer, wat die blyplek ideaal maak vir sakereisigers om oor te slaap.

Verblyf is beskikbaar in 2 slaapkamers elk met 2 enkelbeddens wat omskep kan word in ’n koninggrootte-bed. Daar is ook 2 houtkothuise wat elk 3 beddens het. ’n Gesins-eenheid is ook beskikbaar wat slaapplek bied aan 4 gaste. Elke kamer het 'n en suite-badkamer.

Wildritte is beskikbaar indien vooraf gereël en kan gedoen word met gaste se eie voertuie.

Bua Nnete is deel van ’n beheerde bewarea en is langs ’n watergat wat sorg vir behoorlike wildkyk. Daar is veiligheidsglas rondom die eetarea, wat bydra tot die besonderse wildkyk-ervaring.

Dié verblyf is ’n oase vir sakereisigers of vakansiegangers na Botswana of diegene wat moeg terugkom van hulle kamp af.

Let asb. dat troeteldiere nie toegelaat word nie.

Kry ’n Kwotasie