Buffelsbaai Woonstel 6

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Walker-rylaan 188, Buffelsbaai, 6570, Wes-Kaap
Vanaf R1 700 per nag (plek vir 4)

Beskrywing

Buffelsbaai Woonstel 6 is net 'n hanetreetjie van die strand af geleë en bied selfsorgverblyf in 'n ruim woonstel wat ideaal geleë is vir 'n gesinsvakansie langs die kus in Buffelsbaai.

Dié woonstel op die eerste verdieping het slaapplek vir 4 gaste op 'n slag en beskik oor 2 slaapkamers en 2 badkamers. Die hoofslaapkamer met lugversorging is ingerig met 'n koningingrootte-bed en sluit 'n en suite-badkamer met 'n bad in. Die tweede slaapkamer het 2 enkelbeddens en maak gebruik van die tweede badkamer met 'n stort. Alle linne en badhanddoeke word voorsien; gaste moet egter hul eie strandhanddoeke saambring.

Die oopplan-leefarea met lugversorging beskik oor 'n kombuis wat volledig toegerus is met 'n stoof, oond, mikrogolfoond, yskas-vrieskas, eetgerei en breekware asook 'n ontbyttoonbank met stoele. Van die kombuis af lei 'n knus sitkamer met gemaklike sitplek en 'n TV met 'n volledige verskeidenheid DStv-kanale.

Deur die skuifdeure is daar 'n onderdakbalkon met 'n buite-etenstafel en 'n gasbraai. Gaste kry onderdakparkeerplek en het volle toegang tot die eiendom se gemeenskaplike braai-area. Die ligging van hierdie eiendom is stapafstand van 'n plaaslike winkel en 'n restaurant wat ontbyt en middagete bedien.

Kry ’n Kwotasie