Buffelshoek Tented Camp

Tentekamp

Soos Gesien op Facebook
Kapasiteit: 10 persone
Geen kinders onder 12
Inkloktyd: 13:00 tot 17:00
Uitkloktyd: 11:00
Adres: Buffelshoek Camp-weg, Manyeleti Wildreservaat, 1360, Mpumalanga
Vanaf R8 400 per nag, vir 2 mense

Beskrywing

Buffelshoek Tented Camp is in die suidoostelike deel van die Manyeleti Wildreservaat geleë, naby die Krugerwildtuin en die Sabi Sand Privaat Natuurreservaat.

Buffelshoek bied 'n regte bos-ervaring, maar gaste se gerief word ook hoog op prys gestel deur die perfekte balans tussen luukse gerief en 'n bosveld-atmosfeer te handhaaf. Aangesien daar net 5 bekoorlike grasdaktente met seildoekvoorkante is, sal gaste ook privaatheid hê. Elke tent bied slaapplek aan 2 gaste en het 'n en suite-buitebadkamer op 'n houtdek. Maksimum 10 gaste word per kamp toegelaat en dit verseker dat elke gas persoonlike aandag geniet.

Die kamp is nie omhein nie, het beperkte sonkrag en spog met 'n gemeenskaplike braai-area. Maaltye word dikwels op 'n oop vuur voorberei en gaste kan dit in die eetarea, wat met lanterns belig word, eet of dit onder die sterre in die boma geniet. Kom sit in die knus sitarea saam met die ander reisigers agteroor, of ontspan op die wildkykdek en hou die wild en voëls wat by die watergat drink en op die vlakte wei dop. Elke nou en dan is daar selfs 'n olifant wat by die kamp kom aanklop, so gaste hoef nie eers ver te ry om dié reuse te sien nie.

Wildritte soggens en saans is by die verblyf ingesluit. Die wildritte word deur 'n gids in 'n oop wildkykvoertuig aangebied, so 'n interessante uitstappie word gewaarborg. Met uitstekende gidse kan Buffelshoek Tented Camp amper waarborg dat gaste die Groot 5 oor 'n periode van 3 dae sal sien.

Kry ’n Kwotasie

Wys geriewe