Bundi Orange River Base Camp

Lodge

Kapasiteit: 52 persone
Alle ouderdomme is welkom
Inkloktyd: 14:00 tot 17:00
Uitkloktyd: 11:00
Adres: Plot 424, 8 km vanaf Noordoewer, 0000, Karas
Vanaf R420 per nag, vir 2 mense

Beskrywing

Bundi Orange River Base Camp bied knus oornagverblyf op die oewer van die Oranjerivier, 8 km vanaf Noordoewer net oor die Namibiese grens.

Hierdie kamp bied verblyf op 4 kampeerplekke en in 10 chalets wat elk 2 gaste op 'n slag kan akkommodeer. Elke chalet het 2 enkelbeddens en 'n en suite-badkamer met 'n stort, wasbak en 'n toilet. Daar is ook lugversorging en 'n yskassie, en alle linne en badhanddoeke word voorsien.

Elke staanplek het ruimte vir 8 gaste. Slegs staanplek 1, 2 en 3 het kragpunte en gaste moet hul eie verlengkoorde saambring vir kragtoevoer. Gaste het toegang tot gemeenskaplike ablusiegeriewe met storte. Boonop is daar 'n boskombuis waar gaste hul maaltye kan voorberei. Let asb. daarop dat hierdie kombuis as 'n voorbereidingsarea dien. Daar is ook braai- en opwasgeriewe, 'n yskas en 'n ketel. Gaste moet hul eie kooktoerusting, eetgerei en breekware saambring.

Die hooflodge het 'n groot houtdek met 'n uitsig oor die Oranjerivier. Dit is die perfekte plek om 'n skemerkelkie te geniet. Daar is ook 'n gemeenskaplike lapa met genoeg sitplek en gedeelde braaigeriewe.

Daar is ook 'n kroeg op die perseel en gaste kan bote huur indien hulle die rivier wil verken. Maaltye is teen 'n ekstra koste beskikbaar en moet vooraf gereël word.

Kry ’n Kwotasie