Bush Lilly Cottage

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Gazelle-straat 59, Numbi Park, Hazyview, 1242, Mpumalanga
Vanaf R1 800 per nag (plek vir 6)

Beskrywing

Bush Lilly Cottage is 'n selfsorg-eenheid wat Hazyview ideaal geleë is. Hierdie eenheid is ideaal vir die hele gesin of 'n groep vriende wat op soek is na 'n afgesonderde vakansie in die Laeveld.

Dié eenheid het slaapplek vir 6 gaste en beskik oor 2 slaapkamers en 'n badkamer. Die hoofslaapkamer is ingerig met 'n koningingrootte-bed, spieëltafel en ingeboude kaste en die ander slaapkamer is gemeubileer met 'n koningingrootte-bed en 2 enkelbeddens, spieëltafel en ingeboude kaste. Die badkamer is toegerus met 'n stort. Dié eenheid het ook 'n gastetoilet. Alle linne en badhanddoeke word voorsien.

Die leefarea beskik oor 'n eetarea, 'n sitarea en 'n kombuis. Die kombuis is goed toegerus met 'n stoof, oond, yskas-vrieskas, skottelgoedwasser, tee- en koffiemaakgeriewe en eetgerei en breekware. Die eetarea het 'n etenstafel met 6 stoele. Die sitarea is ingerig met 'n gemaklike sitkamerstel, 'n koffietafel en 'n TV.

Dié eenheid spog met 'n plonspoel en 'n onderdak-lapa met 'n ingeboude braai en buite-eetmeubels wat geskik is vir 6 gaste. Gaste het ook 'n uitsig oor die bosveld en kan voëls en ape gewaar. Toegang tot veilige parkeerplek is beskikbaar.

Kry ’n Kwotasie