Bushveld Terrace Hotel on Kruger

Hotel

Soos Gesien op Facebook
Kapasiteit: 58 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Hendrik van Eck-straat 2, Phalaborwa, 1390, Limpopo
Vanaf R2 858 per nag, vir 2 mense
TGCSA-gradering:

Beskrywing

Bushveld Terrace Hotel on Kruger bied 'n kontemporêre wegbreek met 'n goeie ligging naby die Phalaborwa-hek na die Krugerwildtuin. Dit is net 'n hanetreetjie van die ingang na dié gewilde wildpark af, maar met al die luukshede van hotelverblyf.

Die hotel het verskeie verblyfopsies, van Klassieke of Luukse Kamers en ruim Gesinswoonstelle tot die Deluxe Marula-suite wat perfek is vir wittebroodpaartjies. Die kamers is met natuurlike kleure versier en het elk 'n platskerm-TV met sekere DStv-kanale, 'n yskassie, lugversorging en tee- en koffiemaakgeriewe. Elke kamer het 'n en suite-badkamer en sommige kamers het 'n stoep met buitesitplek. Gratis WiFi is beskikbaar en daar is 'n kinderspeelarea.

Die hotel het 'n wêreldklas-restaurant met 'n lieflike spyskaart deur die sjef, Adriaan Joubert. Die restaurant bied 'n uitgebreide à la carte-spyskaart wat vir ontbyt, middagete en aandete sorg. Spesiale dieetversoeke kan geakkommodeer word indien die hotel vooraf hiervan in kennis gestel word.

Gaste kan die Krugerwildtuin in hul eie voertuig verken of een van die unieke parkaktiwiteite deur die hotel bespreek, soos nagwildritte en begeleide boswandelings.

Kry ’n Kwotasie