C-Breeze

Selfsorg

Kapasiteit: 9 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Hoofweg, Schaapenzicht 3, Langebaan, 7357, Wes-Kaap
Vanaf R3 570 per nag (plek vir 9)

Beskrywing

C-Breeze is 'n lieflike selfsorghuis in die Schaapenzicht-kompleks in die hartjie van Langebaan. Dit is ideaal vir 'n kuswegbreek saam met vriende en familie, aangesien dit stapafstand vanaf die Langebaan-strandmeer en -strand is.

Dié huis bied slaapplek aan 9 gaste en beskik oor 4 slaapkamers en 2 badkamers. Die eerste slaapkamer het 'n dubbelbed en 'n en suite-badkamer met 'n stort, wasbak en toilet. Die tweede slaapkamer het 'n koningingrootte-bed en 'n enkelbed, terwyl die ander 2 slaapkamers elk 'n dubbelbed het. Die vierde slaapkamer is in die solderarea. Die tweede badkamer het 'n stort-oor-bad, wasbak en toilet.

Die oopplan-leefarea beskik oor 'n kombuis wat met 'n gasstoof, elektriese oond, mikrogolfoond, yskas-vrieskas, skottelgoedwasser, eetgerei en breekware, asook 'n toonbank met stoele toegerus is. Die kombuis lei na 'n knus sitarea met gemaklike sitplek en 'n platskerm-TV met DStv. Gratis WiFi is beskikbaar.

Hierdie sitarea lei na 'n onderdakstoep met 'n piekniektafel en 'n ingeboude braai met 'n uitsig oor die strandmeer. Verder is daar 'n beskutte stoep met 'n etenstafel en 'n tweede ingeboude braai. Veilige parkeerplek is op die perseel beskikbaar. Dit is stapafstand van baie winkels en restaurante op die hoofweg.

Kry ’n Kwotasie