Cadeau Hiking and Accommodation

Tentekamp

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Deel 6 van plaas 569, Humansdorp, 6304, Oos-Kaap
Vanaf R730 per nag (plek vir 2)

Beskrywing

Cadeau Hiking and Accommodation is in 'n afgeleë deel in die natuur geleë waar gaste kan ontspan langs die oostelike gedeelte van die Tsitsikamma Nasionale Park.

Hier gebeur daar niks en dit hou so aan vir maande. Dit is net natuur en stilte en gaste kan voëlkyk en luister na die paddakoor terwyl hulle die pragtige sonsondergange elke aand beleef.

Gaste gebruik Cadeau as basis vanwaar hulle ander aktiwiteite in die omgewing kan verken of jy kan bloot rus in stilte.

Neem asb. kennis dat gaste nie vanself kan afgaan na die staproetes en swempoele nie vanweë die beperkings deur Sanparke. Slegs gids-begeleide uitstappies word toegelaat teen 'n vaste koste en dit moet vooraf bespreek word. Toestemming sal gegun word aan gaste teen geen ekstra koste wat wil stap na 'n pragtige uitkykpunt, 3 km ver. Gaste kan ook kilometers ver ry met hul eie bergfietse.

Cadeau beskik oor 5 permanente koepeltente onder nuut geboude skuilings. Drie tente het dubbelbeddens in en die ander 2 het 2 enkelbeddens elk. Die beddens in die tente het beddegoed en linne wat elke 5 dae vervang word vir gaste wat langer vertoef. Die tente het 'n lig binne en een onderdak.

Daar kan plek gemaak word vir 'n derde persoon of kinders, maar dit sal wel die tent meer beknop maak.
Daar is ablusieblokke naby die tente en dit het 2 badkamers vir almal se gebruik met 3 warm storte en 2 toilette in elke badkamer.

Daar is ook 'n ontspanningsaal met elektrisiteit wat gaste kan benut met 'n TV, pooltafel, tafeltennis en veerpyltjiebord vir almal se gebruik. Hier ontspan jy voor groot vure met 'n glasie wyn en 'n braaivleistjoppie. Die saal het 'n ten volle toegeruste kombuis met 'n yskas, vrieskas en selfsorgtoerusting. Daar is ook 'n rugsakreisigerseenheid in die saal. Gaste kan ook hul eie tent opslaan en dieselfde geriewe gebruik.

Vir die wat net stilte in die natuur soek is Cadeau die plek.

Neem asb. kennis dat daar 'n 8 km grondpad op pad na die verblyf is.