Calypso Beach House

Selfsorg

Kapasiteit: 8 persone
Alle ouderdomme is welkom
Inkloktyd: 13:00 tot 19:00
Uitkloktyd: 12:00
Adres: Melos-keeromstraat 3, Calypso Beach, Langebaan, 7257, Wes-Kaap
Vanaf R5 500 per nag (plek vir 8)
TGCSA-gradering:

Beskrywing

Calypso Beach House is 'n lieflike selfsorghuis in Calypso Beach, Langebaan. Dit is ideaal vir vriende en familie wat op soek is na 'n ontspanne en gerieflike tuisbasis.

Dié dubbelverdiepinghuis bied slaapplek aan 8 gaste en beskik oor 3 slaapkamers met en suite-badkamers. Daar is 2 slaapkamers met 'n dubbelbed, terwyl die derde slaapkamer 2 stapelbeddens het. Elke en suite-badkamer het 'n stort, wasbak en toilet. Linne word voorsien, maar gaste moet hul eie bad- en swemhanddoeke saambring.

Die oopplan-kombuis is met 'n yskas-vrieskas, gasstoof, oond, mikrogolf, eetgerei en breekware en tee- en koffiemaakgeriewe toegerus. Die opwaskamer het 'n skottelgoedwasser, wasmasjien en tuimeldroër. Die eet- en sitareas op die onderste verdieping het gemaklike sitplek vir gaste om te eet en te ontspan. Die leefarea op die boonste verdieping het gemaklike sitplek, 'n TV, 'n binnebraai en 'n kombuisie met 'n yskas-vrieskas, wynyskas en 'n mikrogolfoond. WiFi is beskikbaar.

Gaste kan 'n buitebraai op die balkon geniet en veilige parkeerplek op die perseel is beskikbaar. Dié verblyf is sowat 210 m van die strand af en plaaslike geriewe, soos winkels en restaurante is ook naby.

Kry ’n Kwotasie