Camp Nguni

Wildsplaas

Kapasiteit: 26 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Bultfontein, Victoria-Wes, 7070, Noord-Kaap
Vanaf R1 265 per nag (plek vir 3)

Beskrywing

Camp Nguni is 'n wildlodge indie oostelike distrik van Victoria-Wes in die Noord-Kaap. Dit is op 'n privaat plaas, wat ongeveer 1000-hektaar groot is geleë. Dit is ideaal vir gaste wat op soek is na gerieflike verblyf en hartlike gasvryheid asook uitstekende wildkyk-geleenthede in die omgewing.

Die akkommodasie by Camp Nguni word aangebied in 4 rondawels en 2 luukse eenhede wat volledig gemeubileer is met 'n tikkie luuksheid. Die eenhede beskik elk oor óf 'n koninggrootte-bed óf 'n dubbelbed en 2 enkelbeddens. Daar is ook 'n en suite-badkamer met 'n stort, wasbak en toilet. Daar is geriewe soos: 'n waaier, 'n elektriese warmkombers, koffie- en teemaakgeriewe, 'n haardroër en daar word ook sepies voorsien vir gaste se gebruik.

Gaste sal heerlike tradisionele maaltye kan geniet wat op die perseel voorberei word deur ons kok. Ons gaste kan ook ontspan op die rottang-meubels op die grasperke of afkoel in ons swembad. Daar is verskeie doendinge beskikbaar by Camp Nguni vir avontuurlustige gaste. Hierdie doendinge sluit in: wildritte, wandelinge deur die bos, bergfiets- en 4x4-roetes en perdry.

Gaste kan skouspelagtige sonsondergange beleef met 'n skemerkelkie in die hand, of gaan wildkyk en 'n renoster, bok of kameelperd dophou terwyl die diere hul by die watergat laaf.

Kry ’n Kwotasie