Cape Sands C2

Beskrywing

Hierdie stylvolle en moderne woonstel geleë in 'n veilige kompleks, in Strand. Dit is net 'n hanetreetjie van die branderplankryerstrand af en 'n kort entjie se stap na Waterworld-vermaaksentrum. Hierdie 3-slaapkamer woonstel het asemrowende sonsondergange oor Valsbaai met 'n agtergrond van Tafelberg en Kaappunt.

Die woonstel het 'n oopplan-uitleg met 'n kombuis en leefarea. Die kombuis is volledig toegerus en die leefarea het gemaklike rusbanke, TV met DStv en 'n eetarea. Daar is 'n balkon met dekstoele en gaste kan wonderlike uitsigte oor die see en berge tot by Kaappunt geniet. Al die slaapkamers het balkonne met panoramiese uitsigte oor die Hottentots- en Helderbergreeks. Die hoofslaapkamer het 'n koningingrootte-bed en 'n en suite-badkamer. Die tweede slaapkamer het 'n dubbelbed en privaat balkon. Die derde slaapkamer het 2 enkelbeddens en 'n privaat balkon. Daar is 'n gedeelde badkamer met stort, toilet en wasbak, en 'n gastetoilet.

Die woonstel het veilige onderdakparkeerplek. Alle linne en badhanddoeke word voorsien. Bring asseblief eie strandhanddoeke. Skoonmaakdiens kan teen ekstra koste gereël word. Gaste kan die verhitte swembad, sauna, stoomkamer, Jacuzzi, gimnasium en braai-area op die perseel geniet.