Casa Camacho

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Geelslangweg 1886, Marlothpark, 1321, Mpumalanga
Vanaf R1 500 per nag (plek vir 8)

Beskrywing

Casa Camacho is in Marlothpark en bied gehalteverblyf aan 'n gesin of 'n vriendegroep. Dit is naby al dié bewarea se geriewe insluitend winkels, restaurante, aktiwiteite en besienswaardighede.

Dié oopplan-huis beskik oor 3 slaapkamers en het slaapplek vir 6 volwassenes en 2 kinders. Die eerste slaapkamer het 'n dubbelbed en 'n en suite-badkamer met 'n stort, toilet en 'n wasbak, die tweede slaapkamer het 'n koningingrootte-bed en 'n en suite-badkamer met 'n stort, toilet en 'n wasbak, en die derde slaapkamer het 'n dubbelbed, 'n stapelbed en 'n en suite-badkamer met 'n stort-oor-bad, toilet en 'n wasbak. Al die kamers is smaakvol versier en het lugversorging, heerlike, sagte beddegoed, 'n privaat ingang en 'n mini-koffiestasie.

Die kombuis is met 'n stoof, oond, yskas-vrieskas, mikrogolf, tee- en koffiemaakgeriewe, breekware en eetgerei toegerus.

Die leesarea het gemaklike sitplek en daar is 'n eetarea met oorgenoeg sitplek waar gaste hulle maaltye kan geniet. Daar is ook komplimentêre WiFi.

Die huis het braaigeriewe, 'n swembadjie en daar is veilige parkeerplek op die perseel.

Kry ’n Kwotasie