Casablanca's - A Private Farm Stay

Selfsorg

Kapasiteit: 2 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Hoek van R40/R538 Hoofweg, Plaas de Rust, Hazyview, 1242, Mpumalanga
Vanaf R1 150 per nag (plek vir 2)

Beskrywing

Casablanca's - A Private Farm Stay skuil op 'n privaat makadamiaplaas in die prentjiemooi Hazyview wat net 11 km van Numbi-hek af geleë is - die naaste hek aan die Krugerwildtuin.

Verblyf word in 'n kamer met 'n koningingrootte-bed, 'n en suite-badkamer met 'n stort, 'n stoepie en 'n kombuisie met 'n yskas, stoof en 'n mikrogolfoond, sowel as 'n etenstafel en stoele aangebied. Aandete en piekniekpakkies kan op versoek en teen ekstra koste deur die eienaars voorberei word. Dit is 'n unieke, informele blyplek wat klein tot medium-grootte troeteldiere toelaat. Die personeel en vriendelike troeteldiere sal gaste met aankoms verwelkom. Daar is ligte opknappingswerk wat in die omgewing plaasvind, maar sal nie gaste se privaatheid of kothuis affekteer nie.

Ná 'n lang dag van verken, kan jy terugkom en die impalas salig sien wei soos jy die plaas binnery. Koel in die swembad af, kuier langs die vuur of gooi 'n vleisie oor die kole. Gaste kan die gewilde toeristebestemmings, soos Sabi, Graskop, Pelgrimsrus, God's Window, Blyderivierspoort en die Krugerwildtuin in die omgewing besoek.

Daar is 'n hele rits restaurante, kitskos-restaurante en kuriowinkels in die area.

Nabygeleë aktiwiteite sluit avontuurparke, Elephant and Horse Whispering, watervalle en voetslaanroetes in.

Kry ’n Kwotasie