Beskrywing

Catalina Bay unit 7 is in Hibberdene aan KwaZulu-Natal se Suidkus geleë en bied gehalteverblyf, ideaal vir 'n gesin of groep vriende. Catalina Bay is teen die strand en naby Bibberdene Village Mall met verskeie winkels en restaurante.

Dié woonstel beskik oor 3 slaapkamers en het slaapplek vir 8. Die hoofslaapkamer het 'n koningingrootte-bed, en suite-badkamer en 'n see-uitsig. Die tweede kamer het 'n dubbelbed en die derde kamer het 2 stapelbeddens - ideaal vir kinders.

Daar is 'n groot leefarea en die oopplan-kombuis is toegerus met 'n stoof, oond, yskas-vrieskas, tee- en koffiemaakgeriewe, eetgerei en breekware. Daar is ook 'n wasmasjien en skottelgoedwasser.

Die sitkamer het gemaklike rusbanke en 'n TV met DStv. Verder is daar 'n ingeboude braai-area.

Daar is 'n groot patio, lekker grasperk en 'n swembad.

Dis in 'n veilige kompleks met onderdakparkeerplek en privaat sekuriteit op die perseel vanaf 18:00 tot 06:00.