Wonderlike waarde vir geld in 'n mooi, goed toegeruste eenheid. Cats en Lemons bied heerlike verblyf wat sorg vir al jou behoeftes en met smaak gemeubileer is sonder om 'n huislike gevoel prys te gee. Die kombuis is goed toegerus met verskeie kosmaaktoebehore. Die leefvertrek is lig en gemaklik, en skuifdeure in beide die leefvertrek en slaapkamer sorg vir goeie ventilasie en 'n heerlike bries in die somer. Die lugversorger in die slaapkamer het ons gemak verseker. Goeie stoorplek deur die hele eenheid beteken dat bagasie en voorraad nooit jou spasie in beslag neem nie en alles steeds ruim en gemaklik kan voel.

Gasvrye skoon bekostigbare verblyf. Baie aangename gasvrou en -heer, asook pragtige hond en katte. Woonstel is skoon en lekker ruim met die nodige self catering benodigdhede. Trappe was bietjie ongemaklik met die groot tasse wat moes op en af, maar die lekker uitsig vanaf die balkon maak dit die moeite werd om tot bo te kom (daar is woonstelle onder ook beskikbaar as trappe 'n probleem is, maar na dag 2 was die trappe vir ons tweede natuur). Parkering is bietjie ongemaklik, maar die gasvrou en -heer help baie vinnig as daar nie spasie is nie, so parkering is daar altyd. Die parkering is oop in oprit en nie agter toesluithek, maar dit was nie vir ons 'n probleem nie, aangesien die woonstelle in 'n baie aangename, veilige woonbuurt is. Ons het baie lekker gebly en sal beslis weer daar tuisgaan as dit op ons pad kom om weer Stellenbosch te besoek.

Gesellige wooneenheid met alles wat basies nodig is - huislik ingerig en mooi. Professionele, vriendelike verwelkoming met aankoms, gesellige wooneenheid op erf en mooi tuin, beeldjies op pad na eenheid. Warm, huis-gevoel nie soos hotel nie - kan maklik sien dat iemand daar kan vertoef vir langer periode. Gerieflik ingerig t.o.v. kombuis-area, leef-area met ook ekstra slaapbank, badkamer en slaapkamer. Lekker stil, mooi woongebied. Sou parkering agter slot en grendel verkies - enigste kritiek of aanbeveling.

Nie luuks, maar vir net oornag goed genoeg. Tevrede, sou dalk net koffie en tee vir elke dag geniet het en nie net vir dag een nie.

Onverbeterlik! Akkommodasie keurig. Pragtige uitsig vanaf kamer. Loopafstand vanaf dorp en Universiteit-kampus. Vriendelike, hulpvaardige gasheer en gasvrou.

Ons het tuis gevoel! Die woonstel was skoon en netjies. Stylvol gemeubileer. Martie was 'n wonderlike gasvrou, al het ons mekaar nie gesien nie. Ek sal definitief weer daar tuisgaan. 10 uit 10!

Veilig, gerieflik en met gawe behulpsame gasvrou en heer. WiFi beskikbaarheid was bonus!