Century On Lake Apartment

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 22:00
Uitkloktyd: 10:00
Adres: Ratanga-weg 13, Century City, 7441, Wes-Kaap
Vanaf R1 000 per nag (plek vir 4)

Beskrywing

Century On Lake Apartment is 'n pragtige selfsorgvakansiewoonstel wat in 'n veilige kompleks in die hartjie van Century City geleë is. Dit kan 'n goeie opsie wees vir 'n klein gesin of 'n groep vriende wat die pragtige Moederstad wil verken.

Dié woonstel op die derde verdieping het slaapplek vir 2 volwassenes en 2 kinders op 'n slag en beskik oor 'n slaapkamer met 'n en suite-badkamer op die boonste vloer. Die slaapkamer is ingerig met 'n koningingrootte-bed en die badkamer is toegerus met 'n stort, wasbak en toilet. Alle linne en badhanddoeke word voorsien; gaste moet egter hul eie swemhanddoeke saambring.

Die oopplan-leefarea beskik oor 'n kombuis wat volledig toegerus is met 'n stoof, oond, mikrogolf, yskas-vrieskas, eetgerei en breekware asook 'n ontbyttoonbank met stoele. Van die kombuis af lei 'n sitkamer met 'n dubbelslaapbank en 'n platskerm-TV met DStv, Netflix en YouTube. Toegang tot gratis WiFi is beskikbaar.

Hierdie leefarea maak oop op 'n balkon wat spog met asemrowende uitsigte oor die omliggende area en die ikoniese Tafelberg. Gaste het volle toegang tot die gemeenskaplike swembad en braaigeriewe. Gaste kry veilige parkeerplek in die kompleks.

Kry ’n Kwotasie