Chateau la Mer Exclusive Guesthouse

Gastehuis

Kapasiteit: 14 persone
Alle ouderdomme is welkom
Inkloktyd: 14:00 tot 19:00
Uitkloktyd: 11:00
Adres: Cannon-singel 31, Ifafi, Hartbeespoort, 0260, Noordwes
Vanaf R2 100 per nag (plek vir 2)
TGCSA-gradering:

Beskrywing

Dié gastehuis word deur die majestueuse Magaliesberge omring, in 'n area waar jy waarlik jou skoene kan uitskop terwyl jy na die visarend in die verte luister. Château la Mer Exclusive Guesthouse is 'n luukse, Franse huis wat in die stil area van Ifafi in Hartbeespoort geleë is. Hierdie gastehuis word deur 'n familie besit en bestuur, en bied 4-ster-dienste aan ons gaste.

Dis ideaal vir sakereisigers, vakansiegangers en naweekwegbreke. Elke kamer is pragtig versier en beskik oor lugversorging, 'n platskerm-TV, 'n yskassie en koffie- en teemaakgeriewe. Daar is baie kaste in elke kamer. Luukse, donserige badhanddoeke word voorsien. Elke kamer het skuifdeure wat na 'n stoep lei en 'n uitsig oor die dam of die omliggende berge bied.

Gaste kan luukse verblyf, eersteklasdiens en 'n rustige omgewing verwag. Ons tariewe sluit ontbyt in wat in die gastehuis se eetkamer bedien word.

Château la Mer is ideaal geleë en baie naby 'n verskeidenheid doendinge vir selfs die kieskeurigste toeris. Geniet 'n stappie deur die Bush Babies Monkey Sanctuary, of 'n rit op 'n olifant se rug by die Elephant Sanctuary. Swaai jou gholfstokke by een van die vele gholfbane in die area. Doen inkopies of loop in kunsmarkte rond. Daar is selfs 'n slang- en dierpark om te besoek. Ontdek die oorsprong van die mensdom by die Wieg van die Mensdom, of gaan pluk sappige aarbeie. Rus by die spa of bewonder die natuurskoon vanuit 'n lugballon.

Kry ’n Kwotasie