Beskrywing

Beach House Kusweg 411 - Charizomai is 'n vakansiehuis teen die see in Tergniet in die MidBrak-area. Dié pragtige huis is ideaal vir vakansies en wegbreke by die see en is vir sakereisigers, vriende of 'n paartjie, of dalk 'n klein gesin met spesiale vergunning geskik.

Die dubbelverdiepinghuis beskik oor 2 ruim slaapkamers op die boonste verdieping waarvan 1 'n en suite-badkamer het. Die ander kamer langsaan het 'n kuierarea met 'n pragtige see-uitsig. Die ruim oopplan-leefarea beskik oor 'n kombuisie en 'n eet- en sitarea op die onderste verdieping. Braaigeriewe is reg voor die huis met 'n uitsig oor Mosselbaai beskikbaar.

Die slaapkamer op die boonste verdieping het 'n koningingrootte bed. Daar is ook 'n ekstra enkelbed in die ander vertrek indien gaste dit benodig. Die en suite-badkamer het 'n bad en 'n stort. Die oopplan-leefarea is op die onderste verdieping en sluit 'n basiese kombuisie in wat met 'n yskas, stoof, oond en 'n mikrogolf toegerus is. Die sitarea het 'n TV met sekere DStv-kanale. Die volle pakket is teen ekstra koste beskikbaar. Veilige parkeerplek is vir 1 voertuig langs die huis beskikbaar. Daar is ook 'n battery- en omsetterstelsel wat die TV en WiFi tydens kragonderbrekings aan die gang hou.

Die strand is net oorkant die pad en word met 'n 50 m-houtpaadjie bereik. Saans kan gaste Mosselbaai se liggies bewonder en deur die dag kan hulle swem, visvang en hul oë vir die dolfyne in die branders oophou. Tussen Junie en Oktober kom kalf walvisse ook in die baai.