Charlie's Place

Selfsorg

Kapasiteit: 2 persone
Geen kinders onder 6
Inkloktyd: 14:00 tot 19:00
Uitkloktyd: 10:00
Adres: St Johns Wood-singel 12, Parklands, Blouberg, 7441, Wes-Kaap
Vanaf R650 per nag (plek vir 2)

Beskrywing

Charlie's Place is 'n ruim en gerieflike selfsorgwoonstel op die eienaar se perseel. Die woonstel het sy eie ingang en parkeerplek voor die woonstel. Gaste het ook toegang tot 'n lieflike swembad-area. Die perseel is stapafstand vanaf verskeie winkles en restaurante en is net 2,4 km vanaf Blouberg se strandfront wat bekend is vir vlieërbrandderry en watersporte. Die wynlande en middestad van Kaapstad is ook net 'n entjie weg.

Charlie's Place het slaapplek vir 2 gaste en het 'n oopplan-uitleg. Die slaaparea het 'n koningingrootte-bed en 'n groot kas. Die badkamer het 'n stort, toilet en 'n wasbak. Beddegoed en handdoeke word voorsien.

Die kombuisie is met 'n groot yskas, mikrogolf, tweeplaatgasstoof, oondjie, ketel, broodrooster, kookgerei, eetgerei en breekware toegerus. Daar is 'n sitarea met 'n waaier en 'n platskerm-TV met satelliet-kanale. Gratis WiFi is beskikbaar en daar is ononderbroke kragtoevoer tydens beurtkrag. 'n Lessenaar en stoel is beskikbaar. Doen asb. navraag rakende dit tydens bespreking indien dit benodig word.

Buite is daar 'n privaat stoep met 'n tafel en stoele, 'n sambreel en 'n draagbare braai. Veilige en privaat parkeerplek op die perseel is vir 2 motors direk voor die woonstel beskikbaar.

Gaste het toegang tot die gemeenskaplike swembadarea met sambrele en skadu, stoele, sonstoele en braaigeriewe. Gaste het ook toegang tot 'n wasmasjien en wasarea met 'n wasgoedlyn. 'n Weeklikse skoonmaakdiens kan op versoek teen ekstra koste gereël word.

Kry ’n Kwotasie