Cheerio Trout Fishing & Holiday Resort

Selfsorg

Kapasiteit: 26 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: R71, Cheerio Plaas, L4.1-pad, Magoebaskloof, 0730, Limpopo
Vanaf R630 per nag (plek vir 2)

Beskrywing

Cheerio Trout Fishing Holiday Resort bied selfsorgverblyf in Magoebaskloof. Gaste kan die rustigheid van die berge in 'n privaat woning geniet wat tussen pragtige bome, struike en blomme skuil. Dit is die ideale oornagplek vir reisigers op pad na die Krugerwildtuin en ander privaat wildtuine.

Die chalets het slaapplek vir 2, 4 of 6 gaste. Al die nodige geriewe is beskikbaar en die chalets word daagliks skoongemaak.

Daar is 'n balkon met buitemeubels, braaigeriewe en veilige parkeerplek. Daar is ook 'n foreldam op die perseel en rivierhengel kan met die plaaslike hengelvereniging gereël word. Ander geriewe en aktiwiteite sluit 'n swembad, bergfietsry en voetslaan in. Gaste kan ook net by 'n tuinbank ontspan en die berguitsigte geniet.

Vir die avontuurlustiges is daar dagstaproetes en avontuuraktiwiteite, soos Zipline, kloofklim, tjoepry, abseil en boomtopspring naby. Ander besienswaardighede wat ook maklik bereikbaar is, is die Ebenezer-, Magoebaskloof-, Tzaneen- en Dap Naude-dam, die Debengeni-waterval, asook die Woodbush- en Agatha-reservate. Vir gholf-entoesiaste is die Tzaneen en Polokwane Buiteklubs slegs 'n uur se ry weg.

Kry ’n Kwotasie