Cherry Berry Lodge

Gastehuis

Gratis kansellasie tot 1 week voor jou verblyf!
Kapasiteit: 10 persone
Geen kinders
Inkloktyd: 14:00 tot 20:00
Uitkloktyd: 10:00
Adres: Hillwoodstraat 3, Heatherlands, George, 6530, Wes-Kaap
Vanaf R1 140 per nag, vir 2 mense

Beskrywing

Cherry Berry bied gastehuis- en lodge-verblyf in George. Die gastehuis en lodge is ongeveer 500 m van mekaar af geleë.

Cherry Berry Lodge is in 'n stil, luukse woonbuurt wat onder die Outeniekwaberge in George skuil, in die hartjie van die Tuinroete, geleë. Kom en geniet ons vriendelike gasvryheid en manjifieke uitsigte op die berge.

Dié lodge het 5 slaapkamers met eie badkamers. Daar is 'n groot gemeenskaplike sitarea en eetarea met Franse deure wat lei na 'n stoep in die groot tuin met berg-uitsigte. Drie van die slaapkamers is in dié area. Daar is ook 'n volledig toegeruste gemeenskaplike kombuis. Daar is 2 selfsorgkamers met hul eie ingange.

Parkeerplek is beskikbaar agter elektroniese hekke. Dit is die ideale plek om te ontspan, en vanwaar gaste die gholfbane kan besoek of die Tuinroete kan verken. Cherry Berry Lodge is net 5 minute van die middedorp af, langs gholfbane en 15 minute van die lughawe, mall, strande en staproetes in die woud af.

Kyk gerus ook na ons ander gastehuis, Cherry Berry Guest House, op LekkeSlaap.co.za.

Kry ’n Kwotasie