Beskrywing

Chesapeak 54 is 'n selfsorgwoonstel in 'n seefrontkompleks in Margate. Hierdie verblyf bied 'n asemrowende see-uitsig en is die ideale basis vir 'n strandwegbreek. Dit is net 1,2 km vanaf Margate se strand, winkels en eetplekke.

Dié woonstel het slaapplek vir 4 gaste en beskik oor 2 slaapkamers, 1 badkamer, 'n
kombuis en 'n oopplan-sit- en -eetarea. Die hoofslaapkamer het 'n dubbelbed, terwyl die tweede slaapkamer 2 enkelbeddens het. Gaste gebruik 'n badkamer met 'n stort-oor-bad, wasbak en 'n toilet.

Die kombuis is met 'n yskas-vrieskas, stoof, oond, mikrogolfoond, eetgerei, breekware, koffie- en teemaakgeriewe, wasmasjien en 'n tuimeldroër toegerus. Die oopplan-leefarea beskik oor 'n etenstafel met stoele en 'n sitarea met 'n TV. Gaste moet hul eie DStv-dekodeerder en -slimkaart saambring.

Die eenheid lei na 'n balkon. Die kompleks beskik oor 'n gemeenskaplike swembad en 'n tennisbaan.