Chesapeake Bay 44

Selfsorg

Kapasiteit: 4 persone
Alle ouderdomme is welkom
Inkloktyd: 15:00 tot 19:00
Uitkloktyd: 09:00
Adres: Marinerylaan, Margate, 4285, KwaZulu-Natal
Vanaf R610 per nag (plek vir 4)

Beskrywing

Chesapeake Bay 44 is 'n selfsorgwoonstel in die veilige Chesapeake Bay-kompleks met 'n uitsig oor die strand in Margate. Die kompleks is naby 'n rits restaurante, winkels en geriewe.

Dié woonstel het slaapplek vir 4 en beskik oor 2 slaapkamers, 1 badkamer en 'n oopplan-kombuis, -eetarea, en -leefarea. Die eerste slaapkamer het 'n dubbelbed en die tweede slaapkamer het 2 enkelbeddens. Albei kamers het 'n plafonwaaier. Die badkamer is toegerus met 'n bad, stort, toilet en 'n wasbak.

Die kombuis is goed toegerus met 'n stoof, oond, yskas-vrieskas, mikrogolfoond, ketel en 'n broodrooster. Daar is 'n ontbytblad met sitplek vir 5. Die sitarea het 'n plafonwaaier en 'n platskerm-TV met 'n Openview-dekodeerder. Gaste moet hul eie DStv-dekodeerder en -kabels saambring as hulle DStv-kanale wil hê.

Die Chesapeake Bay-kompleks het 'n gemeenskaplike swembad, 'n klouterraam vir kinders, 'n tennisbaan en gemeenskaplike braaiplekke. Gaste moet hul eie rakette en balle saambring. Veilige parkeerplek is op die perseel beskikbaar.

Kry ’n Kwotasie