Chobe River Camp

Tentekamp

Soos Gesien op Instagram
Kapasiteit: 40 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: D3512, Ngoma-streek, 50 km vanaf Katima Mulilo, 0000, Zambezi
Vanaf R2 280 per nag, vir 2 mense

Beskrywing

Chobe River Camp is enige wild- en voëlkykliefhebber se droom. Dit is op die oewer van die Choberiver oorkant die Chobe Natuurreservaat geleë en is die ideale plek om te ontspan. Die lodge is deur die natuurlike skoonheid van die landskap geïnspireer en die chalets is van mopaniehout.

Verblyf word in 20 luukse tent-chalets gebied wat met manjifieke uitsigte oor die Choberivier van die privaat dek af spog. Elke chalet het sonkrag, 'n en suite-badkamer met 'n stort en toilet, en muskietnette oor gemaklike beddens. Gaste kan hul elektroniese toestelle in die hoofgebou laai aangesien daar geen kragproppe in die chalets is nie.

Die hoogtepunt van die hoofgebou is die uitsig vanaf die dek se gemaklike banke. Gaste kan ook kyk hoe die sjefs in die interaktiewe kombuis etes voorberei. Etes kan in die eetkamer met 'n lieflike uitsig bedien word, of buite by die oop vuurput geniet word. As gaste gelukkig is, kan hulle dalk 'n trop olifante, buffels en wildsbokke sien.

Die lodge het 'n restaurant, kroeg, swembad, gratis WiFi in die hoofgebou, 24 uur-sekuriteit, wasgoeddienste en veilige parkeerplek. Elektrisiteit word deur sonkrag en kragopwekkers voorsien. Seisoenale doendinge kan by die kamp bespreek word teen 'n ekstra koste per persoon, en dit sluit bootvaarte, begeleide voetslaanroetes, kanovaart, voëlkykuitstappies en 'n uitstappie na die Victoriawaterval toe in.

Kry ’n Kwotasie