City Bowl City Gem

Selfsorg

Kapasiteit: 2 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Breëstraat 16, Kaapstad, 8001, Wes-Kaap
Vanaf R1 700 per nag (plek vir 2)

Beskrywing

City Bowl City Gem is 'n lieflike selfsorgwoonstel in 'n veilige kompleks in die hartjie van die Kaapse middestad. Dit is die ideale opsie vir 'n paartjie wat die Moederstad wil verken aangesien dit naby talle besienswaardighede en aktiwiteite is.

Hierdie woonstel bied slaapplek aan 2 gaste en het 'n oopplan-ontwerp. Dit het 'n dubbelbed en 'n badkamer met 'n stort, wasbak en 'n toilet. Alle linne en badhanddoeke word voorsien.

Die kombuis is met 'n stoof, oond, mikrogolf, yskas-vrieskas, eetgerei, breekware en 'n Nespresso-masjien toegerus. Daar is ook 'n skottelgoedwasser en 'n wasmasjien. Die sitarea het gemaklike sitplek en 'n platskerm-TV. Gratis WiFi is beskikbaar.

Die leefarea lei na die balkon waar gaste oor die stad kan tuur. Gaste het toegang tot die swembadarea op die dak. Die kompleks is in die hartjie van die middestad en is naby Tafelberg, Leeukop en die V&A Waterfront.

Kry ’n Kwotasie