Claybrook

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Sedgemoreweg 1, Kampsbaai, 8001, Wes-Kaap
Vanaf R9 763 per nag (plek vir 8)

Beskrywing

Claybrook bied luukse verblyf in 'n pragtige huis in Kampsbaai. Dit is naby talle wêreldklas-restaurante, winkels, doendinge en besienswaardighede. Die huis is reg bokant Glen Beach geleë en bied 'n uitsig oor die see.

Verblyf word gebied in 3 aparte geboue met altesaam 4 slaapkamers en 5 badkamers. Slaapplek kan aan 8 gaste gebied word. Die eerste 3 slaapkamers het luukse koninggrootte-beddens en die ander slaapkamer het 2 enkelbeddens. Al die slaapkamers het en suite-badkamers, linne en handdoeke.

Grand Pavillion is 'n nuwe villa met ruim oopplan-leefareas, 2 volledige badkamers, 'n kombuisie, 'n oopplan-slaapkamer met 'n en suite-badkamer op die boonste verdieping, 'n groot patio, 'n lang swembad en 'n pragtige uitsig oor Glen Beach.

Die hoofhuis is die oorspronklike gebou, en is onlangs as 'n Nasionale Erfenis verklaar. Die huis het 'n groot leefarea en kombuis, asook 2 slaapkamers met en suite-badkamers op die boonste verdieping. Die slaapkamers het ook elk 'n patio met 'n uitsig oor die strand.

Die tuinwoonstel is agter die huis, langs die garage en het 'n kombuis, slaapkamer met 'n see-uitsig en 'n volledige badkamer.

Daar is onbeperkte WiFi met optiesevesel-internet, haardroërs, badseep, wit perkallinne, bad- en strandhanddoeke, satelliet-TV, 'n enkelmotorhuis en nog parkeerplek op die perseel vir 3 voertuie. Daar is ook 2 kombuise wat ten volle toegerus is met 'n gasstoof, 'n elektriese oond, skottelgoedwasser en Nespresso-masjien, asook 'n waskamer met 'n wasmasjien en tuimeldroër. 'n Kaggel en Weber-gasbraai is beskikbaar.

Dié veilige huis het 'n moderne alarmstelsel met gewapende reaksie en daar is 'n nagwag, asook digitale kluise.

Skoonmaakdienste vanaf Maandag tot Vrydag is ingesluit en enige ekstra skoonmaakdienste is teen 'n ekstra koste beskikbaar.

Kry ’n Kwotasie