Sugarbird Cottage

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Clarence-rylaan 2818, Bettysbaai, 7141, Wes-Kaap
Vanaf R2 400 per nag (plek vir 8)

Beskrywing

Sugarbird Cottage is 'n selfsorghuis met berguitsigte en is geskik vir 8 gaste. Dit is net 230 m vanaf 'n klein strand en die see in Bettysbaai.

Die ruim huis beskik oor 4 slaapkamers, 2 badkamers, 'n oopplan-kombuis, -eetarea en -sitarea. Drie van die slaapkamers het elk 'n koningingrootte-bed en die vierde slaapkamer het 2 enkelbeddens. Die badkamers het 'n bad of stort, asook 'n toilet. Linne en badhanddoeke word voorsien, maar gaste moet asb. hul eie swemhanddoeke saambring.

Die kombuis is met 'n stoof, oond, mikrogolfoond, eetgerei en breekware, potte en panne, asook tee- en koffiemaakgeriewe toegerus. Gaste kan hul maaltye om die etenstafel geniet. Daar is ook 'n wasmasjien. Verder kan gaste in die sitarea voor die TV en gesellige kaggel ontspan. WiFi is beskikbaar.

Die huis het 'n alarmstelsel en 'n toegeboude agterplaas waarin troeteldiere kan baljaar. Verder is daar 'n Weber- en gasbraaigeriewe.

Bettysbaai het verskeie restaurante en aktiwiteite soos sandplankry, swem, branderplankry, asook talle stap- en voetslaanroetes. Gaste kan die Harold Porter Botaniese Tuin besoek of die pikkewyne by Stony Point gaan groet.

Kry ’n Kwotasie